«Әке – тәрбие мен тәртіптің тірегі» тақырыбында әкелер форумы өтті.

ӘКЕ – ТӘРБИЕ МЕН ТӘРТІПТІҢ ТІРЕГІ

2026 жылғы 15 қаңтар күні Ғани Мұратбаев атындағы №17 орта мектепте «Әке – тәрбие мен тәртіптің тірегі» тақырыбында әкелер форумы өтті.

Аталған форумға 100-ге жуық әке қатысып, арнайы қонақтар ретінде:

— Тараз қаласы прокуратурасының бөлім прокуроры С.Мақсатұлы,

— Тараз қаласы Жібек жолы ауданы полиция бөлімінің басшысы Д.Е.Турлыбаев,

— Тараз қаласы Әкелер кеңесінің төрағасы С.Т.Тотаев,

— Тараз қаласы әкімдігінің білім бөлімінің бас маманы Қ.И.Үкібасов қатысты.

Іс-шара барысында отбасындағы әкенің рөлі, баланың тәрбиесіндегі әкенің жауапкершілігі, қоғамдағы тәртіп пен ұлттық құндылықтарды сақтау мәселелері кеңінен қозғалды. Қатысушылар әкенің бала өміріндегі орны тек материалдық қамтамасыз етумен шектелмей, ең алдымен рухани бағыт-бағдар беруші, өнеге көрсетуші тұлға екенін атап өтті.

Әсіресе, ұл бала тәрбиесіне ерекше назар аударылды. Әкелер ұл баланы:

— еңбекқорлыққа,

— жауапкершілікке,

— үлкенді сыйлауға,

— тәртіп пен заңды құрметтеуге,

— ұлттық салт-дәстүрді бағалауға

тәрбиелеу қажеттігін атап өтті. Сонымен қатар, баламен ашық қарым-қатынас орнату, бос уақытын тиімді ұйымдастыру, зиянды әдеттерден аулақ болуына бағыт беру жөнінде өзекті ұсыныстар айтылды.

Форум барысында қоғамда әке беделін арттыру, мектеп пен отбасы арасындағы ынтымақтастықты нығайту, әкелердің мектеп өміріне белсенді қатысуын жүйелі түрде жалғастыру жөнінде нақты ұсыныстар көтерілді.

Іс-шара соңында мектеп өміріне белсене араласып, тәрбие жұмыстарына үлес қосып жүрген бірқатар белсенді әкелер мектеп басшылығы тарапынан Алғыс хаттармен марапатталды.

Аталған форум әкелердің бала тәрбиесіндегі рөлін күшейтуге, отбасы мен мектеп арасындағы байланысты нығайтуға бағытталған маңызды әрі тағылымды іс-шара болды.

@oqu_agartu_ministrligi @kopd_mp_rk @taraz.akimdigi @zhambyl.gov.kz @jambyl_obl_oqu_adistemelik_ort @taraz_police @prokuratura_taraz @zhambyl_prokuratura 

#жамбыл #оқуағартуминистрлігі