Ғ.Мұратбаев атындағы №17 орта мектебінде 10–11 сынып оқушыларының №2 сынама ҰБТ тестілеу нәтижелерін талқылауға арналған штаб отырысы өтті.

2025 жылдың 21 қазан күні Ғ.Мұратбаев атындағы №17 орта мектебінде 10–11 сынып оқушыларының №2 сынама ҰБТ тестілеу нәтижелерін талқылауға арналған штаб отырысы өтті.

Штаб отырысына мектеп директоры С.Н. Кенесариев, директордың оқу ісі жөніндегі орынбасары А.И. Джакипбекова, пән мұғалімдері мен сынып жетекшілері қатысты.

Отырыстың күн тәртібінде 10–11 сынып оқушыларының сынама тестілеу қорытындылары қаралып, оқу үлгерімі талданды.

Отырыс барысында:

• Төмен нәтиже көрсеткен оқушылармен жүргізілетін түзету жұмыстарының негізгі бағыттары белгіленді;

• Пән мұғалімдеріне оқушылармен жеке дайындық жоспарларын құру тапсырылды;

• Алдағы сынама тестілеуге дейінгі дайындық жұмыстарының мерзімі бекітілді.

Штаб отырысының қорытындысы бойынша әр пән мұғаліміне өз бағыты бойынша талдау жасап, оқушылардың нәтижесін арттыруға бағытталған шараларды жүйелі түрде жүргізу тапсырылды.