5 маусым күні жоспар бойынша  таңертең оқушылардың денсаулығын нығайту мақсатында шынықтыру жаттығуларынан басталды. Жаттығулар балалардың сергектік көңіл-күйін қалыптастырып, белсенділікке баулыды.

       Одан кейін лагерь аумағын таза ұстау және еңбекке баулу мақсатында еңбек десанты өткізілді. Оқушылар аула тазалығына атсалысып, табиғатты аялаудың маңызын түсінді.

      Күннің келесі бөлігінде «Спорттық ойындар» үйірмесі ұйымдастырылып, балалар түрлі қимылды ойындарға қатысып, өздерінің ептіліктері мен шапшаңдықтарын көрсетті.

     Сондай-ақ оқушылар арасында топтық жұмыстар жүргізіліп, ынтымақтастық, достық және өзара сыйластық құндылықтарын дамытуға бағытталған тапсырмалар орындалды.

      Түскі уақытта «Ас – адамның арқауы» тақырыбында түскі ас ұйымдастырылып, дұрыс тамақтану мәдениеті туралы әңгіме жүргізілді.

Өткізілген іс-шаралар оқушылардың рухани-адамгершілік қасиеттерін дамытуға, еңбекке, ұйымшылдыққа және салауатты өмір салтын ұстануға тәрбиелеуге ықпал етті.

       5 маусым күні «Қарлығаш» тобының тәрбиеленушілерімен Тараз қаласының тарихи-мәдени орындарына экскурсия өткізілді.

Іс-шараның негізгі мақсаты – Халықаралық балаларды қорғау күнін атап өту, оқушылардың жазғы демалысын көңілді әрі мазмұнды бастауға жағдай жасау, балалардың шығармашылық қабілеттерін дамыту және достық қарым-қатынасты нығайту болды.

Мерекелік шара барысында лагерьдің ашылу салтанаты өткізіліп, қатысушыларға жазғы демалыстың маңызы туралы ақпарат берілді. Оқушылар ән айтып, би билеп, тақпақтар оқып, түрлі ойындар мен қызықты эстафеталарға қатысып, қатысушы барлық оқушыларға балмұздақтар таратылды.

Мақсаты

Мектеп пен отбасы арасындағы ынтымақтастықты, байланысты нығайту;

Оқушылар мен ата-аналарды бұқаралық спортқа тарту, салауатты өмір салтын насихаттау;

      Бүгін біз қалалық, облыстық және мектепішілік байқаулар мен жарыстарда үздік нәтиже көрсетіп, мектебіміздің абыройын асқақтатқан дарынды оқушыларымызды ұлықтаймыз. 

     Олардың әр жетістігі – табандылықтың, еңбекқорлықтың және ұстаздар мен ата-аналардың қолдауының нәтижесі.

Құрметті оқушылар! Сіздердің жетістіктеріңіз – біз үшін үлкен мақтаныш.

        Алдағы уақытта да биік белестерді бағындырып, білім мен өнер жолында талмай іздене берулеріңізге тілектеспіз. 

 Алар алғысымыз көп болсын! 

  Алар жүлдеміз көп болсын! 

 Абыройымыз асқақ, алар асуымыз көп болсын!

Мақсаты – оқушылардың тәрбиесі мен мәдениетін қалыптастыру, сыртқы келбетіне жауапкершілікпен қарауға баулу, мектептің ішкі тәртібін сақтау және тұлғалық дамуына бағыт беру.

Жиналыс барысында оқушыларға мектеп формасын сақтау, жеке бас гигиенасы, шаш үлгісінің талапқа сай болуы, сондай-ақ сабаққа кешікпеу мәселелері кеңінен түсіндірілді. Сонымен қатар, мектеп талабына сай артық боянуға жол бермеу, табиғи әрі ұқыпты келбетті сақтау қажеттілігі ерекше атап өтілді.

Қыз балалардың өзін-өзі ұстау мәдениеті, қоғамдық орындардағы әдептілік, үлкенге құрмет, кішіге ізет көрсету жайлы да маңызды түсіндірме жұмыстары жүргізілді.

Осындай тәрбиелік мәні бар кездесулер алдағы уақытта да жалғасын табады.

       Сабақ барысында оқушыларға әскери қызметтің маңызы, Отан алдындағы борыш, ерлік пен батырлық туралы тағылымды әңгімелер айтылды. Сонымен қатар, оқушылар өздерін қызықтырған сұрақтарын қойып, ашық пікір алмасу жүргізілді.

      Іс-шараның негізгі мақсаты – жас ұрпақтың бойында патриоттық сезімді қалыптастыру, елін, жерін қорғауға деген жауапкершілікті арттыру болып табылады.

Өткізілген «Ерлік» сабағы жоғары деңгейде ұйымдастырылып, оқушыларға үлкен әсер қалдырды.

Жауаптылар: ДТІЖО, АӘД пәні мұғалімі

 Қаныш Сәтбаев — қазақ ғылымының негізін қалаушы, әлемдік деңгейдегі ірі геолог-ғалым және Қазақ КСР Ғылым академиясының тұңғыш президенті. Бұл тұлғаның есімі еліміздің индустриялық қуатының нышанына айналған Жезқазған, Қарағанды сынды ірі кен орындарын ашумен және зерттеумен тығыз байланысты.

 Сабақ барысында Қаныш Сәтбаевтың тек геолог қана емес, сонымен бірге тарих, мәдениет және әдебиет салаларына да зор үлес қосқан энциклопедиялық білім иесі екені айтылды. Оның бойындағы еңбекқорлық, отансүйгіштік және кәсіби біліктілік қасиеттері өскелең ұрпақ үшін шынайы үлгі болып табылады. Тұлғаның «Менің халқым менен де биік» деген қағидасы оның биік адамгершілік болмысын айқындай түседі.

 Бұл тақырыпты зерделеу арқылы білім алушылар ұлт мақтанышының ғылыми мұрасымен танысып, білімге деген құштарлығын арттырды. Ғалымның өмір жолын түсіну — жастардың бойында елге қызмет ету, ғылымға ұмтылу және жауапкершілік сезімдерін қалыптастыруға бағытталған маңызды қадам.