Ата-аналарға мектептің ішкі тәртібі

БЕКІТЕМІН» «КЕЛІСЕМІН»
Мектеп директоры Кәсіподақ ұйымының төрайымы
_________М.Досмаханұлы ________А.Сайлауова



I. 2016-2017 оқу жылына мектеп қызметкерлерінің ішкі еңбек тәртібі ережесін қабылдау. (Еңбек тәртібінің ережесін бұзғандар жауапқа тартылады.)
Мектеп қызметкерлерінің негізгі міндеттері:
•Мектеп жарғысында жүктелген ішкі тәртіптің ережелерін қатаң сақтауға тиісті.
•Еңбек тәртібін сақтау үшін, уақытында жұмысқа келу, жұмыс мерзімінің ұзақтылығын сақтау, әкімшіліктің тапсырмасын нақты орындау.
•Жұмыс сапасын жақсарту және орындаушылық тәртіпті қатаң сақтау.
•Шығармашылық бастама көтеру, еңбекті жоғары дәрежелі жетістікке жетуге бағыттау.
•Қаралған ережелермен нұсқауларға сәйкес техника қауіпсіздігін сақтау, еңбекті қорғау, өндірістік, санитарлық-гигиеналық жұмыстардың орындалуын, өртке қарсы ұйымдастырылатын шаралардың талаптарының орындалуын қатаң сақтауы қажет.
•Құжаттармен материалдық құндылықтардың дұрыс сақталып күтілуіне мән беру.
•Су мен электр энергиясын үнемдеп пайдалануға, оқушыларды мектеп мүлкін аялап қорғауға тәрбиелеу.
•Нұсқауға сәйкес көрсетілген уақытта медициналық тексеруден өту әрбір қызметкердің міндеті.
•Мектептің педагогтары сабақты жүргізу кезінде және үзілісте балалардың денсаулығы мен өміріне тікелей жауап береді.
•Оқушы жарақат алған жағдайда тез арада әкімшілікке хабарлау қажет.
•Оқушы сабаққа кешіккен жағдайда мұғалім сынып жетекшісіне және кезекшіге /директордың орынбасарына/ ескерту қажет. Мұғалім кешіккен оқушыларды сабаққа кіргізбеуге құқы жоқ.
•Сабақ басталғанға дейін кабинеттердің есіктері ашық болуы тиіс.
•Үзіліс кезінде оқушыларды сыртқа шығарып, кабинетті желдету тиіс.
•Кабинетке тазалық жұмыстары оқушылардың күшімен жүргізіледі, оны қадағалауға сынып жетекшісі жауапты. Егер мұғалім әр кабинетте ауысып жұмыс істесе, әкімшіліктен тағайындалған кезекшіге кілтті соңғы сабақ аяқталғаннан кейін тапсыру керек.
•Журналды сабақтан соң мұғалімдер бөлмесіне әкеліп тапсыруын әр пән мұғалімі өз жауапкершілігіне алу тиіс.
•Педагог қызметкерлерге жұмыс уақыты аяқталғаннан кейін оқушыларды алып қалуға төмендегі жағдайда ғана рұқсат етіледі:
-Сынып сағаттары мен жиналыс өткізілген уақытта.
-Сыныптағы және мектептегі іс-шараларға дайындық жүргізген кезде.
-Сыныпта және жалпы тазалық жұмыстарын жүргізгенде, кезекшілік уақытысында.
-Сынақ және қосымша сабақтар жүргізілген жағдайда.
-Басқа жағдайда әкімшіліктің келісімімен жүргізіледі.
•Өрт немесе басқа да табиғи апаттар кезінде мұғалімдер бекітілген эвакуациялық жоспар
бойынша жұмыс жүргізеді.
•Мемлекеттік стандарт нормасын пәндер бойынша орындауға;
•Сынып жетекшілік міндетін атқаруға;
•Ата-ана мен жұмысты жан-жақты дұрыс жүргізуге;
•Дәптерді, күнделікті өз уақытында тексеруге;
•Мектепте мектепішілік мұғалімдер кезекшілігін атқаруға;
•Оқу процесі кезінде мектепте оқушылардың өміріне, денсаулығына жауап беруге;
•Мектеп басшыларының бұйрығы мен нұсқауларын орындауға;
•Өз бетімен білімін жетілдіруге;
•Мектептің ішкі тәртіп ережесін қатаң сақтауға;
•Мектеп, ауыл, аудан, облыс көлемінде атқарылатын қоғамдық жұмыстар мен іс-шараларға
қатысуға;
•Мектептен тыс жерде мектепке қатысты мектептің ішкі жағдайы туралы мәліметтерді
жарияламауға ҚР «ЕТЗ» -26 бабы, 12 т.
•Мектеп ұжымының моральдық–психологиялық климатын дұрыс сақтауға;
•Қоңырау кезінде оқушылардың тәртібіне, денсаулығына жауап беруге;
•ҚР Үкіметінің саяси идеологиялық бағытын халыққа дұрыс насихаттауға;
•Мемлекеттік қызметкерлердің тәртібі мен әдебін /этикасын/ сақтауға;
•ҚР «Еңбек Кодексін» қатаң түрде сақтауға мідетті;
•Мемлекеттік тілде сөйлеуге және іс-құжаттарды жүргізуге;
IІ. Педагогтармен мен қызметкерлердің жұмыс уақыты және оны пайдалану.
1. Педагог қызметкерлердің оқу жүктемесін кәсіподақ ұйымымен келісе отырып, мектеп директоры белгілейді.
2. Арнайы қызметкерлердің жұмыс уақытының ұзақтығы кесте бойыша мектеп әкімшілігі мен кәсіподақ ұйымының келісімі бойынша орындалады. Хатшы мен зертхана қызметкерінің, есепшінің жұмыс істеу уақыты сағат 900 -1700 –ге дейін. Кітапханада жұмыс кестесі көрсетіледі.
3. Мұғалімдер сабақ басталудан 15 минут ерте келеді. Олар кабинет тазалығын тексеріп, дайындық жұмыстарын жүргізеді. Сабақ аяқталғаннан кейін 20 минуттан кейін қайта алады. Мұғалімнің сынып оқушыларының барлығын үйлеріне жібереді, есікті бекітеді.
4. Мектеп әкімшілігі сабақ басталуға жарты сағат қалғанда келу тиіс.
•Мектепте педагогикалық қызметкерлердің жұмыс уақыты сағат 800-де басталады.
•Оқушылардың кешігуіне немесе үзілістен кейін сыртта жүруіне жол берілмейді.
•Мұғалім қоңырау соғылғанан кейін сабақты бастауға тиіс.
•Сабақ уақытында мұғалім кабинетте болмаса «жұмыс орнында жоқ» деп саналады.
•Мұғалімдердің кезекшілік кестесі кәсіподақ ұйымының жоспары бойынша бекітіледі.
•Мектепке бөгде адамның мектеп әкімшілігінің рұқсатынсыз кіруге болмайды.
•Әкімшілік пен кәсіподақ бірігіп кезекші мұғалімдердің қызметтік міндеттерінің орындалуын
қағалайды.
•Мектептегі асхананың тазалығын, астың сапасын мектеп әкімшілігі, сынып жетекшілер бақылап,
қадағалауы тиіс.
•Сынып жетекшісі асханаға оқушыларды мезгілінде апаруға міндетті.
•Директордың ТІЖ орынбасары және әлеуметтік педагог мұғалімдердің асханадағы кезекшілік
кестесін жасап, оның орындалуын қадағалауға тиіс.
•Директордың ОТІЖО мұғалімдер мен оқушыларға ауыстырып оқыту /замен/ жөнінінде бір күн
бұрын хабарлап айтуы тиіс.
•Мұғалімдер үшін маусымдық демалыс/күзгі, қысқы, көктемгі каникул/ кезі жұмыс уақыты болып
есептеледі.
•Мектепке санитарлық талапқа сай келмейтін торт және газдалған сусын т.с.с заттарды әкелуге
тыйым салынады.
•Педагогикалық кеңес – аптаның бір күннен белгіленіп, бір тоқсанда бір рет өткізіледі.
ІІІ. Мектепте мұғалімдер мына ережені ескерулері қажет.
•Сабақ қоңырау соғылғанда басталып, қоңырау соғылғанда аяқталуы тиіс.
•Сабақтың әрбір минуты оқушылардың сапалы ойлауы мен белсенді әрекетін іске асыруға арналуы керек.
•Сабақ барысындағы мұғалімнің жеке қызметі білімдік және тәрбиелік мақсатының орындалуына бағытталады.
•Мұғалім оқушылардың сабаққа дайындалып келуін талап етуі тиіс.
•Мұғалім сабырлы болуы қажет. Сыныпта тәртіп орнатуы үшін мұғалім түрліше әдістемелерді меңгеруі қажет.
•Оқушыларға айқайлауға, оларды балағаттауға жол берілмейді.
•Оқушының тәртібін жақсарту үшін қажет жағдайда психолог маманның көмегіне жүгінуге болады.
•Дәптердің дұрыс, талапқа сай толтырылуы мен жүргізілуін пән мұғалімдері қадағалауы және үнемі тексеріп отыруы тиіс.
•Оқушы мен мұғалім арасындағы сыйластық қарым-қатынас сақталуы тиіс.
•Тәрбие мен білім берудің басты жетістігі – сапалы кәсіби біліктілік, соған ұмтылып, бірлесіп жұмыс істеу.
•Мұғалімдер мен қызметкерледің жұмыс тәртібінің сақталуын бақылау және қадағалауды мектеп әкімшілігімен кәсіподақ ұйымы өз жауапкершілігіне алады.
ІV. Педагогтар мен басқада мектеп қызметкерлеріне тыйым салынады:
* Өз мүмкіндігіне қарай сабақ кестесін өзгертуге;
* Сабақ мерзімін ұзартуға, қысқартуға және ауыстыруға;
* Оқушыларды кабинетте қараусыз қалдыруға, шығарып жіберуге;
* Сабақ уақытысында басқа педагог қызметкерлердің жұмысына кедергі келтіруге;
* Сабақ уақытында мұғалім ұялы телефонмен сөйлесуге тыйым салынады.
V. Мұғалімдердің сабақтан тыс уақытта міндетті түрде қатысатын жиналыстарына мыналар жатады:
•Педагогикалық кеңес.
•Директор жанындағы отырыс.
•Әдістемелік кеңес
•Әдістемелік бірлестіктің кеңесі .
•2 аптада бір рет жүргізілетін жоспарлы жиналыс.
Ата-аналар міндеті
1.Бала тәрбиесі ата-ананың негізгі міндеті.
2.Мектеп әкімшілігі мен сынып жетекші, мұғалімдермен жиі байланыста болу. Мектеп әкімшілігінің рұқсатымен сабақтарына қатысу.
3.Баланы оқу құралдарымен толық қамтамасыз ету және оқушының бірыңғай формасын сақтауын қадағалау.
4.Оқушының таңертең сабаққа таңғы асын ішкізіп сабақтан кешікпеуін қадағалау.
5.Жолдағы жол ережелерін күнделікті баланың есіне салып отыру.
6.Жыл мезгілдерінің ауа райына байланысты баланың киімдерін ыңғайлы киіндіру.
7.Күнделікті оқушының (баланың) күнделігіне қарау, қол қою.
8.Мектепте мәдени қоғамдық істерге, мәдени іс-шараларға қатысу.
9.Оқушылардың мектеп жарғысын және ішкі тәртіп Ережелерінің орындауын бақылау.
10.Мүмкіндегіне қарай мектепке материалдық көмек көрсету.
11.Ата-ана мектеп әкімшілігі мен мұғалімдер мен байланс жасаған уақытта мән жағадайға терең түсінік таныта отырып, қатынас жасау.
12.Мұғалімнің ар-ожданына, намысына, ұлтына, нәсіліне тіл тигізбеу.
13.Мектеп әкімшілігінің рұқсатынсыз мектеп қабырғасында фото-бейне түсірілім жасамау.
14.Білім беру ұйымдарында ата-ана нәсілдік, діни, милитаристік және халықаралық құқықпен жалпыға танылған принциптеріне қайшы келетін өзге идеяларды насихаттауға тыйым салынады.
Оқушылар ережесі
1.Оқушылар ережесін, антын, әдептілік ережесін, оқушыларға арналған мектеп формасы бірыңғай болу керек және оны сақтау керек.
2.Алғашқы әскери дайындық, дене шынықтыру пәндерінің бекітілген киім үлгісін қатаң түрде сақтау қажет.
3.Сабаққа кешікпей таза, ұқыпты киініп сабаққа керекті құрал жабдықтармен дайындалып келу керек.
4.Ең бірінші мұғалім талабына сәйкес күнделікті көрсету және күнделікті үй тапсырмасын жазу.
5.Білімді, оқу біліктері мен дағдыларын табандылықпен игеру.
6.Мектептің қоғамдық-мәдени іс-шараларына, оқушылардың өзін-өзі басқару ұйымына белсене қатысу.
7.Сыныпта, отбасында, күнделікті өмірде салауатты өмір салтын қалыптастыру.
8.Халқымыздың мемлекеттік рәміздерін көздің қарашығындай сақтап, құрметтеп қастерлеу.
9.Ата-ананы, жанұяның ересек мүшелерін құрметтеу, қарттар мен кішілерге қамқорлық жасау.
10.Жалпыға пайдалы іс үшін адал еңбектену мен өнімді еңбек етуге қамдану, болашақтағы мамандғын таңдай білу.
11.Қоршаған ортаны қорғау, күтіп баптау, табиғатты аялау, туған өлкені көркейтуге ат салысу.
12.Оқуды, еңбекті дұрыс ұйымдастыра отырып, үйірмелер мен спорттық секцияларға қатысу.
13.Сабақтан соң қосымша сабақтар, іс-шаралар болмаса 20 минуттан кейін үйіне қайту
Қатаң тыйым салынады:
1.Мектептің күнделікті ережесін бұзуға /себепсіз сабаққа кешігу, келмей қалу/;
2.Мектепке сай формасын сақтамауға;
3.Мектеп ішінде бас және сырт киіммен жүруге;
4.Спирттік ішімдіктер, темекі, наша және насыбай қолдануға, сағыз шайнауға;
5.Кешкі-түнгі уақытта ата-ананың қарауынсыз қоғамдық орындарда, көшеде жүруге; (2100-0700)
6.Басқа оқушылардың денсаулығына зиян келтіретін әрекеттер жасауға;
7.Мектеп әкімшілігі оқушылардың бағалы заттардың жоғалуына жауап бермейді (ұялы телефон,
8.құнды заттар, әшекей, ақша);
9.Компьютерлік клубтарға баруға;
Мектепке денсаулыққа зиянды, жанғыш, өткір, кескіш заттарды, газ баллондарын әкелуге;
10.Мектеп ішінде мектеп әкімшілігінің рұқсатынсыз фото-бейне түсірілім жасауға;
11.Сабақ үстінде, мәжіліс залда, дәлізде қатты сөйлеуге, жүгіруге, сабақтың өтуіне кедергі жасауға;
12.Мектептен сабақ уақытында мектеп ауласынан сыртқа шығуға;
13.Мектепке бағалы (10.000) он мың теңгеден жоғары ұялы телефон әкелуге. /Егер байланыс үшін керек болса, ата-анасының директордың атына жазған жазбаша өтініші және телефон он мың теңгеден төмен болған жағдайда ғана рұқсат етіледі/