Сәкен Сейфуллиннің 130 жылдық мерейтойына арналған «Қазақ әдебиетінің ақсұңқары» атты әдеби кеш өткізілді.

Қараша айының  27 күні қазақ тілі мен әдебиеті пәні мұғалімдері: А. Абишева, Т.Суттибаева, А. Ускенбаеваның ұйымдастыруымен  Қазақстанның қоғамдық тарихында абыройлы орын алатын, революционер — коммунист, қазақтың белгілі жазушысы, ақын, көрнекті мемлекет және қоғам қайраткері, қазақ әдебиетінің негізін салушылардың бірі Сәкен Сейфуллиннің 130 жылдық  мерейтойына арналған «Қазақ әдебиетінің ақсұңқары»  атты әдеби кеш өткізілді. Кеш барысында оқушылар ақынның өлең шумақтарын мәнерлеп айтып, бишілер мен күйшілер де өнер көрсетті.
Іс- шараның мақсаты:  Жас ұрпақты еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу, ақынның өз заманындағы саяси — қоғамдық көзқарасын таныту, ұлтжанды ұрпақ тәрбиелеу.